ჩინეთში ნარკობარონი და მისი ბანდის წევრები სიკვდილით დასაჯეს
ჩინეთში 13 ჩინელი მეზღვაურის მკვლელობისთვის ბირმელი ნარკობარონი ნაუ კამა და სამი მისი თანამონაწილე სიკვდილით დასაჯეს.
ჩინეთის სახელმწიფო მედიასაშუალებებმა არ აჩვენეს, თუ როგორ შეჰყავთ მსჯავრდებულთა სხეულებში სასიკვდილო ინექცია, თუმცა ინტერნეტ- მომხმარებლებმა აღნიშნეს, რომ ეს ისტორია ცინიკურად გაშუქდა.
მეზღვაურთა მკვლელობასთან დაკავშრებული ინცინდენტი 2011 წლის ოქტომბერში მდინარე მეკონგზე "ოქროს სამკუთხედში“ მოხდა. აღნიშნული რეგიონი ნარკოტიკების წარმოების ერთ-ერთ მსოფლიო ცენტრად ითვლება.
ამ დანაშულის ჩადენაში ეჭვმიტანილი ნაუ კამას ბანდის ექვსი წევრი იუნანის პროვინციაში დააპატიმრეს.
ორ მათგანს უფრო მსუბუქი განაჩენი გამოუტანეს - სიკვდილით დასჯა სასჯელის აღსრულების გადავადებით და რვა წლით თავისუფლების აღკვეთა.
ჩინეთის პრაქტიკაში სასჯელის აღსრულების გადავადებით სიკვდილით დასჯა სასჯელის სამუდამო პატიმრობით შეცვლას ითვალისწინებს, თუ აღნიშნულ პერიოდში მსჯავრდებული სხვა სამართალდარღვევებს არ ჩაიდენს.
მასალის გამოყენების პირობები