გარემოს ეროვნული სააგენტოს ინფორმაციით, 27 თებერვლამდე დასავლეთ საქართველოში რთული მეტეოროლოგიური პირობები შენარჩუნდება.

საქართველოს რკინიგზის ინფორმაციით, ქვეყნის მასშტაბით უამინდობის გამო, 25 თებერვალს დაგეგმილი რამდენიმე რეისი, მათ შორის თბილისი-ფოთისა და ზუგდიდი-თბილისის მიმართულებით რეისები გაუქმდა.

ზვავსაშიშროების, ინტენსიური თოვისა და რთული მეტეოროლოგიური პირობების გამო, საავტომობილო გზების ცალკეულ მონაკვეთებზე ავტოტრანსპორტის მოძრაობის სპეციალური რეჟიმებია დაწესებული. საერთაშორისო მაგისტრალებისა და შიდასახელმწიფოებრივი გზების წმენდისათვის მობილიზებულია სპეციალური ტექნიკა. ამის შესახებ ინფორმაციას საავტომობილო გზების დეპარტამენტი ავრცელებს.

ევროპის სოლიდარობის კორპუსის ფარგლებში, საქართველოს ახალგაზრდებს შესაძლებლობა აქვთ, ჩაერთონ ევროკავშირის მიერ დაფინანსებულ სხვადასხვა პროგრამაში, როგორც მოხალისეებს, გაემგზავრონ ევროპის, ასევე რამდენიმე პარტნიორ ქვეყანაში და გაიუმჯობესონ, პიროვნული და პროფესიული უნარები; „ნაბიჯი წარმატებისკენ“, ერთ - ერთია, ვინც ეხმარება ახალგაზრდებს, ჩაერთონ ამ პროგრამებში და მიიღონ მრავალფეროვანი გამოცდილება; ორგანიზაციის დირექტორი, რიმა ბერიძე პასუხობს ჩვენს კითხვებს, პროგრამის მიზნებთან, პირობებთან და მიმართულებებთან დაკავშირებით.

აფხაზური “საექსპორტო“ მიმოზის რუსეთში შეტანა აიკრძალა. რუსეთის საკარანტინო სამსახურის ინფორმაციით, მიმოზაში კალიფორნიული ყვავილოვანი თრიპსი აღმოაჩინეს, წერს „აფსნიპრესი“.

ფოთის მუნიციპალიტეტში, თოვლის სახით მოსული უხვი ნალექის გამო, საჯარო და კერძო სკოლებში სასწავლო პროცესი ამ დრომდე შეჩერებულია. ამის შესახებ რადიო „ათინათს“ ფოთის საგანმანათლებლო რესურსცენტრში უთხრეს.

სოხუმში რუსეთის ჯანდაცვის მინისტრი მიხეილ მურაშკო ჩავიდა და ჯანდაცვის ობიექტები დაათვალიერა.