სამეგრელოს ეთნოგრაფიულ ყოფაში დაცულია ერთი უბრალო ტრადიცია, რომელიც ,,ხოზოკონის“ სახელითაა ცნობილი. ხარშავდნენ ყველიან კვერებს და ერთ კვერში, რომელსაც ,,ხოზოკონი“ ერქვა, ჩაატანდნენ კაკლის ჩხირს და ვისაც ეს კვერი ერგებოდა მისთვის იქნებოდა ის წელი განსაკუთრებულად კარგი. დღევანდელ გადაცემაში საუბარია,  ვინ მონაწილეობდა და რას მოიცავდა შეშის კვერიანი რიტუალი, რა დანიშნულება ქონდა და რა წესები იყო მკაცრად დაცული.

ზუგდიდელმა მოჭადრაკეებმა გაბრიელ ბეჭვაიამ და გიორგი ნაყოფიამ საქართველოს ჩემპიონატში წარმატებით იასპარეზეს და საპრიზო ადგილები მოიპოვეს. ამის შესახებ ინფორმაციას „ჭადრაკი ზუგდიდში“ ავრცელებს.

სოციალური მომსახურების სააგენტოს სტატისტიკით, 2025 წლის თებერვალში, სამეგრელო-ზემო სვანეთში საარსებო შემწეობის მიმღებთა რაოდენობა ისევ გაიზარდა და 44 499 პირს მიაღწია. ეს რიცხვი იანვრის მონაცემებს 109-ით, 2024 წლის დეკემბრის მაჩვენებლებს 450-ით, ნოემბრის სტატისტიკას კი 717-ით აღემატება.

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დეტექტივების და საგამოძიებო სამმართველოების თანამშრომლებმა განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვის ბრალდებით 1986 წელს დაბადებული ბ.ც. დააკავეს. ამის შესახებ ინფორმაციას უწყება საკუთარ ვებ გვერდზე აქვეყნებს.

ზუგდიდი-ჯვარი-მესტია-ლასდილის ლაჯარღულას მონაკვეთზე (96-ე კმ) ჩამოსული დიდი მოცულობის კლდის მასის გამო ავტოტრანსპორტის მოძრაობა ამ დრომდე აკრძალულია. ამის შესახებ რადიო „ათინათს“ მესტიის მუნიციპალიტეტის მერმა კაპიტონ ჟორჟოლიანმა უთხრა.

ზუგდიდში, სახელმწიფო რწმუნებულის ადმინისტრაციის შენობის წინ მოქალაქეების პროევროპული პროტესტი 112-ე დღეა გრძელდება.

ახალგაზრდების გაძლიერებაზე, მათი სამოქალაქო ცხოვრებაში ჩართულობის გაუმჯობესებაზე, მოსწავლეებისა და სტუდენტებისთვის უკეთესი განათლების პირობების და შესაძლებლობების განვითარებაზეა ორიენტირებული პროგრამები, რომლებსაც ევროკავშირის და ევროპის სხვა პარტნიორი ქვეყნების მხარდაჭერით, ევროპულ-ქართული ინსტიტუტი ახორციელებს; რატომ არის მნიშვნელოვანი საქართველოსთვის, რომ ეს პროგრამები არ გაჩერდეს და ხელი შეუწყოს ლიდერთა ახალი თაობის ჩამოყალიბებას, - ჩვენს კითხვებს პასუხობს ევროპულ-ქართული ინსტიტუტის აღმასრულებელი დირექტორი, შაკო ჩხეიძე.