მულტიმედია
გაიცანით ცხრა წლის ქაიანი,რომელმაც ინტერნეტი ასტრონომიის ცოდნით დაიპყრო (ვიდეო)
ცხრა წლის ქაიან ბელქანია, რომელმაც ინტერნეტ სივრცე დაიპყრო, მეცნიერების შესწავლასა და კოსმონავტობაზე ოცნებობს. მანამდე კი პატარა ასტრონომი მზის სისტემის პლანეტების მოცულობასა და შემადგენლობას სწავლობს. საჭირო ინფორმაციას ის ბიბლითეკასა და ინტერნეტში ეძებს. ქაიან ბელქანია წალენჯიხის მეორე საჯარო სკოლის მეოთხე კლასის მოსწავლეა. ასტრონომიისა და მათემატიკის გარდა უყვარს ფიზიკა, თუმცა, როგორც გვეუბნება, ეს საგანი მეთერთმეტე კლასში ისწავლება და მას ამ დროისთვის პედაგოგი არ დასჭირდება. კოსმოსური ობიექტების შესწავლა 2 წლის წინ დაიწყო. როგორც თვითონ ჰყვება, თავდაპირველად მეათე პლანეტით დაინტერესდა, რომელიც, მისივე სიტყვებით, მზის სისტემიდან „გააძევეს“.

„ამ ყველაფრის სწავლა დავიწყე ორი წლის წინ, როდესაც მეორე კლასში ვიყავი. დაინტერესებული ვიყავი მეათე პლანეტით. სხვებიც ვიცოდი, მაგრამ მათი სახელები არ მახსოვდა. მეათე პლანეტა არის ისეთი პლანეტა, რომელიც ყველის მაგვარია. პლანეტებმა ის მზის სისტემიდან გააძევეს“, - გვიყვება ქაიანი.

დაგროვილ ცოდნას მეგობრებსაც უზიარებს და ამბობს, რომ ის მაღალ კლასებში ფიზიკის გაკვეთილებსაც ჩაატარებს.

„ფიზიკას სკოლაში მეთერთმეტე კლასში გიწყებენ, მაგრამ ფიზიკის სწავლა შენ თვითონაც შეგიძლია. როდესაც მეთერთმეტე კლასში გადავალ, ვფიქრობ, ფიზიკის მასწავლებელი არ დამჭირდება. ჩემს კლასელებსაც ხშირად ჩავუტარებ ფიზიკის გაკვეთილებს. ეს ძალიან მარტივი იქნება, თემას კარგად ავუხსნი, რადგან მანამდე ძალიან ბევრს ვისწავლი. ახლა რაც ვიცი, იმდენი ფიზიკის მასწავლებელს არ ეცოდინება. ერთხელ მქონდა ფიზიკის მასწავლებელთან შეჯიბრი. მან დამისვა 22 შეკითხვა. თითქმის ყველას მარტივად გავეცი პასუხი, მაგრამ ორზე პასუხის გაცემა გამიჭირდა. ერთი კითხვა დიდი დათვის თანავარსკვლავედზე იყო, ხოლო მეორე თავლის თანავარსკვლავედსა და გველის თანავარსკვლავედს ეხებოდა. როდესაც ამ კითხვებზე პასუხი გამიჭირდა, მივხვდი, რომ მე მხოლოდ პლანეტების სიდიდეზე ვმუშაობდი და შემდეგ დავიწყე სწავლა, თუ რისგან შედგებოდნენ ისინი“, - ამობობს ქაიან ბელქანია.

ქაიანი წიგნებით სავსე თაროზე ოცნებობს. ამბობს, რომ მას ჯერ მხოლოდ ერთი წიგნი აქვს. მიაჩნია, რომ წიგნების თარო იუპიტერთან და სატურნთან არის დაკავშირებული.

„წიგნები არ მაქვს, მაგრამ მინდა, რომ ბევრი მქონდეს. ფილმებს ვუყურებ, მაგრამ წიგნები ყოველთვის თავიანთ სილამაზეს ინარჩუნებენ. თუ თარო და წიგნები გექნება, გექნება სილამაზეც და ეს პრიმიტიულად გადაეცემა სატურნს და იუპიტერს. ისეთ ნივთიერებებს, რომლებიც შეიცავენ ბგერებს ან ნაწილაკურ სფეროებს“, - თქვა მან.

თავისუფალ დროს ის მეგობრებთან ერთად ერთობა. უყვარს შინაური ცხოველები. მას ორი კატა და სამი ძაღლი ჰყავს. ერთ-ერთი ძაღლი სახელად „ჯესი“ მეგობრებმა ქუჩაში იპოვეს და ის საერთოა.

ქაიან ბელქანია საზოგადოებამ მეზობლის მიერ გავრცელებული ვიდეოების მეშვეობით გაიცნო. ის დედასთან და ბებიასთან ერთად წალენჯიხაში ცხოვრობს. როგორც მეზობლებმა გვითხრეს, ბავშვის მამა თურქეთშია, ხოლო დედას ჯანმრთელობის პრობლემა აქვს. პატარას ძირითადად ბებია უვლის.


Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  14 827 ადამიანი გამოიკვლიეს და გამოვლინდა ინფიცირების 903 ახალი შემთხვევა.
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 212 ადამიანი მკურნალობს, მათგან 12 პაციენტის ჯანმრთელობის მდგომარეობა მძიმეა.
ბოლო 24 საათში სამეგრელო-ზემო სვანეთის მასშტაბით კორონავირუსით ერთი ადამიანი გარდაიცვალა. სამხარეო ადმინისტრაციის ინფორმაციით 78 წლის მამაკაცი სენაკის მკვიდრია და რუხის საავადმყოფოში გადიოდა მკურნალობის კურსს.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ამავე კატეგორიაში
დღის სიახლეები
22 / იანვარი 2021
უწყებათაშორისი საკოორდინაციო საბჭოს გადაწყვეტილებით, ზუგდიდში, ფოთში, გორში, ბათუმსა და თელავში პირველი თებერვლიდან მუნიციპალური ტრანსპორტის,
22 / იანვარი 2021
მთავრობის დადგენილებით, 1 ტომარა ფქვილზე სახელმწიფო სუბსიდია 10 ლარის ნაცვლად 15 ლარი იქნება.
22 / იანვარი 2021
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე  14 827 ადამიანი გამოიკვლიეს და გამოვლინდა ინფიცირების 903 ახალი შემთხვევა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 6 °C
img
სოხუმი 5 °C
img
ფოთი 5 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.