მულტიმედია
ნიკოლოზ შამათავა - დიდოსტატობაზე მეოცნებე 12 წლის ზუგდიდელი მოჭადრაკე (ფოტო/ვიდეო)
ჭაბუკთა შორის საქართველოს სამგზის ჩემპიონმა ნიკოლოზ შამათავამ ჭადრაკის თამაში 6 წლის ასაკში დაიწყო. მას შემდეგ იცის რომ, ამ სპორტის სახეობას ფიქრი, მოთმინება, ბრძოლისუნარიანობა და ნიჭი სჭირდება.
12 წლამდე ჭაბუკთა შორის 9 შესაძლებლობიდან 6 ქულით მესამე ადგილი დაიკავა.

არ აშინებს სირთულეები და ცდილობს პარტიები მასზე ბევრად უფროს პარტნიორებთან ითამაშოს. ჭადრაკის დიდოსტატებს შორის თავისი ფავორიტები ჰყავს, რომელთა თამაშის სტილიც აღაფრთოვანებს.

"ეს ადამიანები არიან - მაგნუს კარლსენი, გარი კასპაროვი, ანატოლი კარპოვი, მათ პარტიებსაც ვარჩევდით დებიუტების მიხედვით. ძალიან მომწონს მათი თამაშის სტილი, ხასიათი. კასპაროვი არის ძალიან შემტევი მოჭადრაკე, ძალიან ძლიერი. მომწონს მათი მრისხანება თამაშის პროცესში, ჩემთვის მისაბაძი მოჭადრაკე მაგნუს კარლსინია, რადგანაც ძალიან შრომის მოყვარეა და დროის დიდ ნაწილს ჭადრაკს უთმობს", - გვიყვება ზუგდიდელი მოჭადრაკე.
ნიკოლოზ შამათავა ზუგდიდის საჭადრაკო სკოლა "ნონას" მოსწავლეა, ჭადრაკი საბოლოოდ, სწორედ მისმა მწვრთნელმა, მადონა ბოკუჩავამ შეაყვარა."ყველაზე დიდ დროს მითმობს მადონა ბოკუჩავა, ჩემი თითოეული თასი, დიპლომი, სერთიფიკატი მისი დამსახურებაა. რაც ვიცი ყველაფერი მან მასწავლა, მაგალითად ყოველთვის უნდა იფიქრო მეტოქის სვლაზე და არ უნდა მოდუნდე არასდროს, რაც არ უნდა მოგებული პოზიცია გქონდეს, უნდა იყო ორიენტირებული შენს დაფაზე და არა სხვაზე. მაგალითად თუ შენ მოწინააღმდეგეზე ხარ დამოკიდებული, ჯერ უნდა მიხედო შენს პარტიას და მერე სხვას, რომელსაც ვფიქრობ რომ ძალიან ბევრი არ აკეთებს, ვარჩევ ბევრ პარტიას, რადგან მაინტერესებს რაღაც ახალი. რაც უფრო ახალია პარტია, მით უფრო ახალი იდეებია. დიდოსტატების პარტია ისეთი მაღალი დონის არის, ერთ პარტიაში შეიძლება ექვსი სხვადასხვა იდეა იყოს მინიმუმ", - ამბობს ნიკოლოზი.
გვითხრა, რომ ჭადრაკის გარეშე ცხოვრება ვერ წარმოუდგენია. დღის უდიდეს ნაწილს ის საჭადრაკო დაფასთან ატარებს, ხსნი ამოცანებს, არჩევს დებიუტებს, მასწავლებელთან 6 საათს მეცადინეობს, დამოუკიდებლად მუშაობას კი 3- 4 საათს ანდომებს.
ნიკოლოზ შამათავა მრავალი პრიზის მფლობელია, ის საქართველოს სამგზის ჩემპიონია 9,11 და 13 წლამდე ჭაბუკთა შორის (2017-2018-2020 წწ), მისთვის განსაკუთრებულად დასამახსოვრებელი ღია ტურნირზე პოლონეთში მოპოვებული ჯილდოა.
"ჩემთვის ყველაზე საყვარელი თასი არის პოლონეთში მოგებული, ღია ტურნირი იყო, ნებისმიერი ასაკის ადამიანი თამაშობდა, ჩემი ტოლი არავინ არ მონაწილეობდა ტურნირზე, მხოლოდ 18 წლის იყო ერთი მოჭადრაკე, დანარჩენი კი ასაკით უფროსები იყვნენ, 20-25 და 60 წლის მონაწილეები. მაგალითად იყო ერთი, რომელთანაც ბოლო ტურში ყაიმი გავაკეთე და მოვიგე თასი", - სიამაყით გვიყვება მოზარდი მოჭადრაკე.

2018 წლის საქართველოს ჩემპიონმა 11 წლამდე ჭაბუკთა შორის დასკვნითი მეცხრე ტური ფრედ დაასრულა პოლონელ ფიდეს ოსტატთან კოზიჩ მაცეისთან 6,5 ქულით და მესამე ადგილი დაიკავა.

2020 წელს კი საქართველოს სასკოლო ჩემპიონატის გამარჯვებული გახდა 13 წლამდე ჭაბუკთა შორის, მან ჩემპიონის ტიტულთან ერთად ევროპის სასკოლო ჩემპიონატის საგზური მოიპოვა, რომელიც ახლო მომავალში საბერძნეთის კუნძულ კრეტაზე გაიმართება.

გეგმავს, რომ თავისი ცხოვრება ჭადრაკს დაუკავშიროს და მომავალში დიდოსტატი და ცნობილი მოჭადრაკე გახდეს.
ნიკოლოზ შამათავა საქართველოს ვიცე-ჩემპიონი ელვისებურ ჭადრაკში

მისი თქმით, დასანანია, რომ წელს ზუგდიდში ჭადრაკის საერთაშორისო დღეს პანდემიის გამო არ აღინიშნება.

ჭადრაკის საერთაშორისო დღე 20 ივლისი პირველად 1924 წელს პარიზში აღნიშნეს, როდესაც მსოფლიოს ჭადრაკის ფედერაცია (FIDE) ოფიციალურად დაარსდა.



Print Email
FaceBook Twitter
რ ე კ ლ ა მ ა
„ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია
,,ქართული ოცნება-დემოკრატიული საქართველოს“ ზუგდიდის ახალგაზრდული ორგანიზაციის ინიციატივით, ზუგდიდში ველოგასეირნება გაიმართა,
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია მარტვილის მუნიციპალიტეტის ერთ-ერთ ყველაზე დიდ სოფელში, ბანძაში მცხოვრებ მოსახლეობას შეხვდა.
კორონავირუსი
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
ზუგდიდის ინფექციურში გასული 24 საათის განმავლობაში სულ 691 პირის ბიოლოგიური ნიმუში შევიდა, მათგან 500 კი გაიტესტა. გამოკვლეულთა შორის კორონავირუსი 9 პირს დაუდგინდა.
რუხის კლინიკაში 10 პაციენტი  კორონავირუსისგან განიკურნა. ინფორმაცია რადიო "ათინათს" კლინიკური დირექტორის მოვალეობის შემსრულებელმა მაიკო ჯანაშიამ დაუდასტურა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
ამავე კატეგორიაში
დღის სიახლეები
18 / სექტემბერი 2020
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
18 / სექტემბერი 2020
მესტიის სოფელ ბეჩოში შუახნის ქალი ცეცხლსასროლი იარაღიდან დაჭრეს. მედიკოსების ცნობით, მას გამჭოლი ჭრილობა გულ-მკერდის არეში აქვს მიყენებული.
18 / სექტემბერი 2020
მიუსაფარ ძაღლს, რომელმაც ზუგდიდში, კოსტავას ქუჩის ერთ-ერთ ჩიხში 9 ლეკვი გააჩინა, სახლი სჭირდება.
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 20 °C
img
ფოთი 21 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.