მულტიმედია
ფაშიზმზე გამარჯვების დღე - ზუგდიდელი გემის ელექტრიკოსის ისტორია (ფოტო/ვიდეო)
9 მაისი ფაშიზმზე გამარჯვების დღეა. 79 წლის წინ, ზუსტად ამ დღეს გერმანიამ კაპიტულაციას ხელი მოაწერა და მეორე მსოფლიო ომი დასრულდა. მუნიციპალიტეტის მერიის ინფორმაციით, ამჟამად ზუგდიდში სამამულო ომის ორი ვეტერანი ცხოვრობს.

მათგან ერთ-ერთი, ჩვენი რესპონდენტი, 87 წლის პაატა მიქაიაა. ის სამამულო ომის ვეტერანთან გათანაბრებული და ომში დაჭრილი პირია. ის 60-იან წლებში საზღვაო ძალებში მსახურობდა. 1962 წელს კი მიავლინეს ლატვიაში. ზუგდიდელი ვეტერანი სამხედრო გემის ელექტრიკოსად მუშაობდა, რომელიც მეორე მსოფლიო ომის დროს დარჩენილი ნაღმების განეიტრალებაზე იყო პასუხისმგებელი."ვმსახურობდი სავალდებულო სამხედრო სამსახურში, ქალაქ ლიეპაიაში, ეს არის სამხედრო ქალაქი. მაშინ სამხედრო ქალაქი იყო და მაშინ დაკეტილი იყო, იქ მოქალაქეებს არ უშვებდნენ, გარდა სამხედროებისა. ვმსახურობდი 1961 წლიდან, 1962-ში მივიღე ტრავმა, ძველი მინის ნაღმის ამოღების დროს და ასე გავხდი მეორე ჯგუფის სამხედრო დაშავებული.
ახლა მეუბნებიან, 1962-ში ნაღმი როგორ მოგხვდაო. ეს ნაღმი იყო ომის დროიდან იქ დატოვებული, ის რომ აღმოაჩინეს, უნდა გადაეტანათ სხვაგან, სხვა ადგილას და იქ უნდა გაენეიტრალებინათ", - ამბობს რესპონდენტი.

მისი თქმით, აფეთქების მომენტში გემის ზედა ნაწილზე იდგა. როგორც ვეტერანი გვიყვება, აფეთქების ტალღა ძალიან ძლიერი იყო და სწორედ მაშინ მინის ნაღმით დაიჭრა.

"მე იქ ერთადერთი ქართველი ვიყავი. ყველა ეროვნების იყვნენ, ბელორუსები, უკრაინელები, რუსები, ლატვიელები, ესტონელები და ერთი ქართველი ვიყავი მე. ამ დროს ვიყავი 27 წლის, 25 წლისა კი გამიწვიეს.

ვნერვიულობდი, რომ მამაჩემმა ფეხი დაკარგა და ჩემთვისაც რომ მოეჭრათ, თავს მოვიკლავდი. მძიმედ ვიყავი დაჭრილი და შემინარჩუნეს ფეხი, დღემდე მე ჩემი ფეხებით დავდივარ", - გვეუბნება ვეტერანი. 

რესპონდენტი ამბობს, რომ 9 მაისი მისთვის განსაკუთრებული დღეა. სიამაყით იხსენებს მამის ღვაწლს, რომელიც მეორე მსოფლიო ომის უშუალო მონაწილე იყო და ქართველი ჯარისკაცებისთვის ერთ-ერთ ყველაზე რთულ ბრძოლაში, ქერჩში დაიჭრა. ამ დღის მნიშვნელობას ის საკუთარ შვილებსა და შვილიშვილებს დიდი პასუხისმგებლობით უზიარებს, უხსნის, რომ ფაშიზმზე გამარჯვებაში მის ოჯახსაც მიუძღვის წვლილი.
Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
ამავე კატეგორიაში
დღის სიახლეები
20 / მაისი 2024
ზუგდიდში “აგენტების” კანონის საწინააღმდეგო აქციის მონაწილეები კვლავ შეიკრიბნენ და ქალაქის მასშტაბით მსვლელობა მოაწყეს.
20 / მაისი 2024
ზუგდიდის მუნიციპალიტეტის მასშტაბით 51 სკოლიდან პირველკლასელთა ლიმიტი პირველ, მეორე, მესამე და მეოთხე საჯარო სკოლაში სრულად შეივსო.
20 / მაისი 2024
23 წლის მარიკა ჯალაღონია რომში, "საპიენცას" უნივერსიტეტში არქიტექტურისა და ურბანული რეგენერაციის სამაგისტრო პროგრამაზე სწავლობს. მან საბაკალავრო
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 15 °C
img
ფოთი 16 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.