რეგიონი
ზუგდიდში ძლიერი წვიმის შედეგად საცხოვრებელი სახლების პირველი სართულები დაიტბორა (ვიდეო)

ზუგდიდში, რამდენიმე ქუჩაზე, ძლიერი წვიმის შედეგად საცხოვრებელი სახლებში წყალი შევარდა.


დემეტრე თავდადებულის და ბერიას ქუჩებზე, ასევე კუჩხობონის უბანში, დატბორილია სახლების ეზოები და პირველი სართულები.

ბერიას ქუჩის მცხოვრებლების ინფორმაციით, მათ სახლებში წყალი დილს 7 საათზე შევიდა. მათივე თქმით, ეს პირველი შემთხვევა არ არის და არსებულ სიტუაციას სანიაღვრე არხების არასწორი მოწყობა იწვევს.

ამავე  ცნობით, ადგილზე ქალაქის მერიის სამსახურების წარმომადგენლები იმყოფებოდნენ, თუმცა ისინი ჯერჯერობით პრობლემის მოგვარებას ვერ ახერხებენ.



„წლებია, ეს პრობლემები გვაქვს და ამის შესახებ იცის პირადად მერმაც, მაგრამ ამას საშველი არ დაადგა. არასწორად არის ეს სანიაღვრე სისტემა დაპროექტებული და ის წინა მთავრობის დროს გაკეთდა. პირველი სართულები დატბორილია და წყალს ფეკალური მასები შეერია. სიბინძურეა და ინფექციის საფრთხეა“, - უთხრა რადიო "ათინათს" ციცო ყურაშვილმა.



ბერიას ქუჩის მცხოვრებლები დახმარებას ადგილობრივ ხელისუფლებას სთხოვენ.

მერიაში აცხადებენ, რომ აღნიშნული ტერიტორიის სანიაღვრე არხის რეაბილიტაციის საპროექტო სამუშაოები დასრულებულია.

„ტენდერის დასრულების შემდგომ დაიწყება სარეაბილიტაციო სამუშაოები. რეაბილიტაციის დასრულება სავარაუდოდ მიმდინარე წლის სექტემბრის თვეში იგეგმება“.



რაც შეეხება ქალაქის ტერიტორიაზე ამ დროისთვის არსებულ სიტაუციას, მერიის პრესსამსახურის ინფორმაციით, შესაბამისი სამსახურები შეზღუდული რესურსებით მუშაობენ.

„ამ წუთისათვის მერიის ცხელ ხაზზე 13 შეტყობინებაა შემოსული ეზოების დატბორვის თაობაზე. ადგილზე მობილიზებულია სამაშველო და მერიის შესაბამისი სამსახურები, აგრეთვე კეთილმოწყობის ცენტრის თანამშრომლები. მნიშვნელოვანი ზიანის შესახებ, ჯერჯერობით, ინფორმაცია არ გვაქვს“, - უთხრა რადიო „ათინათს“ პრესსამსახურის ხელმძღვანელმა მაია ღუბელაძემ.

ცნობისთვის, ზუგდიდსა და ზუგდიდის მუნიციპალიტეტში მთელი ღამის განმავლობაში ძლიერმა წვიმამ სხვადასხვა პრობლემა შექმნა.

ამავე თემაზე:

წალენჯიხის სოფელ ობუჯში ადიდებულმა მდინარემ გაბიონი წაიღო

სტიქიამ ჩხოროწყუში სახლები და სახნავ-სათესი მიწები დატბორა

 

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
30 მარტს, ზუგდიდის ცენტრალურ ბიბლიოთეკაში გაიმართება გამოფენა სახელწოდებით - ფოტოამბები. აფხაზეთი. XIX საუკუნე.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 17 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.