სურსათის ეროვნული სააგენტომ საქართველოს მასშტაბით აგრარული ბაზრების შემოწმება დაიწყო. განსაკუთრებული ყურადღება მაღალი რისკის სურსათის - ხორცის და რძის პროდუქტების სექციებს მიექცევა. მოწმდება სანიტარიულ-ჰიგიენური ნორმები, სურსათის შენახვისა და რეალიზაციის პირობები, ტემპერატურული რეჟიმი, ეტიკეტირება და მიკვლევადობა.

სააგენტოს ინფორმაციით, ამჯერად გამოვლენილი დარღვევების გამო დაჯარიმდა 4 ბიზნესოპერატორი, რომელთაგანაც ორს კრიტიკული შეუსაბამობების გამო საწარმოო პროცესი შეუჩერდა და 1000 ლარით დაჯარიმდა, ხოლო მიმდინარე წელს აგრარულ ბაზრებში 161 ბიზნესოპერატორის ინსპექტირება განხორციელდა.

მათივე ცნობით, სახელმწიფო კონტროლის ფარგლებში, შემოწმდა 200-ზე მეტი ობიექტი, დაჯარიმდა 53, რომელთაგანაც 4 - რეგისტრაციის გარეშე საქმიანობისათვის, ხოლო 18 ბიზნესოპერატორს კრიტიკული შეუსაბამობების გამო საწარმოო პროცესი შეუჩერდა. შეუსაბამობების აღმოფხვრასთან დაკავშირებით, ბიზნესოპერატორებს მიეცათ შესაბამისი მითითებები და უმეტესობას აღნიშნული რეკომენდაციების გათვალისწინების შემდეგ საქმიანობის უფლება აღუდგა.


აგრარული ბაზრების შემოწმება მიზნად ისახავს მომხმარებელთა ჯანმრთელობის და ინტერესების დაცვას.