ზუგდიდის მუნიციპალიტეტის საკრებულოში 2021 წლის ადგილობრივი ბიუჯეტის პროექტის განხილვები იწყება. საკრებულოს ინფორმაციით, ქვეყანაში არსებული ეპიდემიოლოგიური ვითარებიდან გამომდინარე საკრებულოს კომისიებისა და ფრაქციების სხდომები დისტანციურად (Zoom-ის პლატფორმის საშუალებით) გაიმართება. ამავე ცნობით, მოქალაქეებს ექნებათ შესაძლებლობა,  დისტანციურ რეჟიმში ჩაერთონ ბიუჯეტის პროექტის განხილვის პროცესში.

პროექტის განხილვების გრაფიკი:

17 ნოემბერი, 12:00 საათი - საფინანსო-საბიუჯეტო და სარევიზიო საკითხთა კომისია; იურიდიულ, სამანდატო და ადამიანის უფლებათა დაცვის საკითხთა კომისია (გაერთიანებული სხდომა).

17 ნოემბერი, 15:00 საათი - განათლების, კულტურის, სპორტის, ახალგაზრდულ და გენდერულ საკითხთა კომისია.

18 ნოემბერი, 12:00 საათი - ეკონომიკის, ურბანული განვითარებისა და ქონების მართვის საკითხთა კომისია.

18 ნოემბერი, 14:00 საათი - ჯანდაცვისა და სოციალურ საკითხთა კომისია.

18 ნოემბერი, 16:00 საათი - საკრებულოს ფრაქცია "ქართული ოცნება-დემოკრატიული საქართველო".

24 ნოემბერი, 12:00 საათი - საკრებულოს ფრაქციები: "მრეწველები", "მწვანეები" და "კონსერვატორები" (გაერთიანებული სხდომა).

24 ნოემბერი, 13:00 საათი - საკრებულოს ფრაქცია "ერთიანი ნაციონალური მოძრაობა".

24 ნოემბერი, 14:00 საათი - საკრებულოს ფრაქცია "ევროპული საქართველო".