მოძრაობა "დროას“ ზუგდიდის ოფისის ხელმძღვანელი მარიამ სიჭინავა სასამართლომ 500 ლარით დააჯარიმა. გადაწყვეტილება მოსამართლე გვანცა ვარდანიძემ ცოტა ხნის წინ მიიღო. საუბარია 4 აპრილის პერფორმანსზე, როცა სიჭინავამ სამეგრელო-ზემო სვანეთის სამხარეო ადმინისტრაციის შენობას წითელი საღებავი პროტესტის ნიშნად შეასხა.

როგორც სიჭინავამ რადიო „ათინათს“ უთხრა, მერიას მისი დაჯარიმება ათასი ლარით სურდა, თუმცა, მისივე მტკიცებით, ოქმი არასწორად იყო შედგენილი. „დროას“ წარმომადგენელი ჯარიმის გადახდას არ აპირებს.

„ვადა მაქვს 7 დღე, რომ ეს ჯარიმა გადავიხადო, თუმცა, არ ვაპირებ, თავიდანვე ასეთი პირობა მქონდა საზოგადოებისთვის მიცემული“, - ამბობს მარიამ სიჭინავა.

მას პასუხიმსგებლობა ადმინისტრაციულ სამართალდარღვევათა კოდექსის შესაბამისად დაეკისრა.