ახალი ამბები
მოწმე ბადრი ესებუაზე: „ჩემს თვალში ცხოველი ზის აქ“
"ჩემს თვალში მანდ ზის ცხოველი. გასროლის ხმაზე ყველას შეეშინდებოდა მაგის გარდა",- ასე უპასუხა მოწმე ანა ფიფიამ ტერორიზმში ბრალდებულ ბადრი ესებუას პროცესზე ადვოკატის იოსებ ჯანაშიას კითხვას თავდასხმის დღეს ბანკში არსებულ ვითარებასთან დაკავშირებით.

თავის მხრივ, რეპლიკით გასცა პასუხი ბრალდებულმა მოწმეს და მიმართა: "სარკე არ გაქვს სახლში?".

ადვოკატმა ფიფიას ასევე ჰკითხა, საიდან იცის დაზუსტებით, რომ თავდასხმა ესებუამ განახორციელა, რაზეც მან თქვა, რომ, სხვა შემთხვევაში, ბრალდებული სასამართლოში არ იქნებოდა. მისივე თქმით, მის თვალში ბრალდებული დამნაშავეა.

ანა ფიფიამ ასევე განმარტა, რომ ის საქართველოს ბანკში 2020 წლის 21 ოქტომბერს საბანკო ოპერაციის მომსახურების მიზნით მივიდა, თუმცა თავდამსხმელი არ უნახავს, რადგან შეჭრის დროს მეორე სართულზე იყო, შემდეგ კი ვერანდაზე გავიდა, საბოლოოდ კი, ამწე საშუალებით ტერიტორია დატოვა.

ესებუა ზუგდიდთან ახლოს, სოფელ ჯიხაშკარში 8 თებერვალს აიყვანეს. ის ბრალს ამ დრომდე არ აღიარებს.

2020 წლის 21 ოქტომბერს, დაახლოებით, 14:15 წთ-ზე შეიარაღებული და სამხედრო ფორმაში გამოწყობილი მამაკაცი ზუგდიდში, გამსახურდიას ქუჩაზე მდებარე ბანკის ფილიალში შეიჭრა და მძევლები აიყვანა. ის ნახევარ მილიონს დოლარს ითხოვდა. სპეცოპერაცია მძევლების გასათავისუფლებლად, თითქმის, 7 საათის განმავლობაში მიმდინარეობდა. მასთან მოლაპარაკებებს სამეგრელო-ზემო სვანეთის სამხარეო პოლიციის უფროსი ავთანდილ გალდავა აწარმოებდა. საბოლოოდ, თავდამსხმელმა გალდავასთან და სამ მძევალთან ერთად შენობა დატოვა და პოლიციის პიკაპის ტიპის ავტომანქანით გაურკვეველი მიმართულებით წავიდა. მოგვიანებით, როგორც მძევლები ჰყვებიან, მამაკაცმა ისინი ჩხოროწყუს სოფელ კირცხის ტყეში დატოვა და თავად ფულთან ერთად გაუჩინარდა.

გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

ამავე თემაზე:

ბადრი ესებუას პროცესზე მძევლები იკითხებიან

ბადრი ესებუა ავთო გალდავას - მინდა მოგილოცოთ ჩემი დაკავება

საქართველოს ბანკზე თავდამსხმელის და ბადრი ესებუას სუნის ნიმუშები იდენტურია - ექსპერტი

ბადრი ესებუას პროცესზე ვიდეო მტკიცებულებებს იკვლევენ

"გვითხრა, რომ თანხის ნაწილი დახარჯა, ნაწილი კი დაკარგა" - დეტექტივი ბადრი ესებუას შესახებ

Print Email
FaceBook Twitter
რ ე კ ლ ა მ ა
მთელ მსოფლიოში ორგანულ პროდუქტზე მოთხოვნა ყოველწლიურად იზრდება. მომხმარებელი უპირატესობას ბიოლოგიურად სუფთა, მინერალური სასუქით მოყვანილ პროდუქტს ანიჭებს უპირატესობას,
ანაკლიაში ასოციაცია "კავკასნათის" ორგანიზებით,ბიოლოგიურ მეურნეობათა ასოციაცია "ელკანასთან" ერთად ადგილობრივ მეწარმეები შვეიცარიელ პარტნიორებს, კომპანიების "გებანას" და "პაკკას" წარმომადგენლებს შეხვდნენ.
ზუგდიდის მერია ბავშვებისა და ახალგაზრდების შესაძლებლობების განვითარების ხელშეწყობის პროგრამის ფარგლებში ახალგაზრდების მხარდაჭერას აგრძელებს.
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
ამავე კატეგორიაში
დღის სიახლეები
01 / ივნისი 2023
სოხუმში გამოეხმურნენ საქართველოს პრეზიდენტის ევროპარლამენტში გამოსვლას, რა დროსაც მან მხარი დაუჭირა 30 მაისს "სახალხო მიტინგის" ლოზუნგებს.
01 / ივნისი 2023
ზუგდიდის ბოტანიკური ბაღი დღეს ბავშვებს უფასოდ უმასპინძლებს.
31 / მაისი 2023
ტერორიზმში ბრალდებულ ბადრი ესებუას პროცესზე ის აუდიო და ვიდეო მტკიცებულებები გამოაქვეყნეს, რომელთა ფონოსკოპიური ესპერტიზის დასკვნით, თავმდამსხმელისა და ბადრის ესებუას ხმები იდენტურია.
მთავარი საინფორმაციო გამოშვება
არქივი
«« ივნისი 2023 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12
ამინდი
ზუგდიდი 15 °C
img
სოხუმი 16 °C
img
ფოთი 18 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.