ხობის მუნიციპალიტეტის მერია, მის ბალანსზე რიცხული ექვსი ავტომობილის შეკეთებისთვის 36 000 ლარის გამოყოფას გეგმავს. შესაბამისი ტენდერი სახელმწიფო შესყიდვების ვებ გვერდზე უკვე გამოცხადებულია.

სატენდერო დოკუმენტაციის მიხედვით, პრეისკურანტის სავარაუდო ღირებულება 344 899 ლარით განისაზღვრება.

ამავე ცნობით, საუბარია ტოიოტა „ჰაილუქსის“ (2008), ტოიოტა „პრადოს“, ნისან „იქსტერას“, რენო “BB244BC”, რენო “BB248BC” და ტოიოტა „ლენდკრუიზერის“ (2012) ფირმის ავტომანქანების ტექნიკურ მომსახურებაზე.

შესყიდვაში გამარჯვებული კომპანია ვალდებული იქნება ხელშეკრულებით გათვალისწინებული მოთხოვნები 2025 წლის 20 დეკემბრის ჩათვლით შეასრულოს.

ტენდერში პრეტენდენტებს წინადადებების წარდგენა 28-30 იანვარს შეეძლებათ.