აფხაზეთის დე ფაქტო რესპუბლიკის პრეზიდენტმა ბადრა გუნბამ ახალი მინისტრთა კაბინეტი დააკომპლექტა და „მთავრობის“ წევრები დაამტკიცა, წერს "აფსნიპრესი". 

ამავე ცნობით, დე ფაქტო ვიცე-პრეპრემიერები იქნებიან:

• ჯანსუხ ნანბა;
• ტარას ხაგბა;
• ვარაზდატ მინოსიანი;
• რობერტ კიუტი;
• იატირ აჟიბა.

დე ფაქტო საგარეო უწყებას სერგეი შამბას ნაცვლად ოლეგ ბარციცი უხელმძღვანელებს, რომელიც გუნბას ერთ-ერთი კონკურენტი იყო საპრეზიდენტო არჩევნებზე. რამდენიმე სამინისტროს ხელმძღვანელი არ შეიცვალა, მათ შორის თავდაცვის მინისტრად ისევ ვლადიმირ ანუა დაინიშნა.

დე ფაქტო სამინისტროებს უხელმღვანელებენ:
• საგარეო საქმეთა მიმართულებით - ოლეგ ბარციცი;
• კულტურის მიმართულებით - დაურ კოვე;
• თავდაცვის მიმართულებით -ვლადიმერ ანუა;
• ჯანდაცვის მიმართულებით -ედუარდ ბუტბა;
• შემოსავლების მიმართულებით - ედგარ ბენია;
• განათლების მიმართულებით - ხანა გუნბა;
• ფინანსთა მიმართულებით - საიდ გუბაზი;
• სოფლის მეურნეობის მიმართულებით - ბესლან ჯოპუა;
• იუსტიციის მიმართულებით - ანრი ბარციცი;
• ეკონომიკის მიმართულებით - თეიმურაზ მიქვაბია;
• ენერგეტიკის მიმართულებით - ბატალ მუშბა;
• სოციალური უზრუნველყოფისა და დემოგრაფიული პოლიტიკის მიმართულებით - რუსლან აჟბა.

აპრილის დასაწყისში ე.წ. პრეზიდენტმა ბადრა გუნბამ დე ფაქტო რესპუბლიკის პრემიერ-მინისტრის პოსტზე ვლადიმერ დელბა დანიშნა. ასლან ბჟანიას გადადგომამდე, ე.წ. პრემიერის პოსტს ალექსანდრე ანქვაბი იკავებდა.

2025 წლის 2 აპრილს ბადრა გუნბა ოფიციალურად შეუდგა ოკუპირებული აფხაზეთის „პრეზიდენტის“ მოვალეობის შესრულებას.

„საპრეზიდნეტო“ არჩევნების პირველი ტურის შემდეგ, რომელიც 15 თებერვალს გაიმართა, რუსეთმა გააძლიერა კონტაქტები სოხუმთან და ბადრა გუნბას მხარდაჭერა.

"საპრეზიდენტო" არჩევნების მეორე ტური ოკუპირებულ აფხაზეთში 1 მარტს გაიმართა, დე ფაქტო ცესკოს მონაცემებით, ბადრა გუნბამ მან ხმების 54,73%, ხოლო მისმა მეტოქემ, ოპოზიციონერმა ადგურ არძინბამ - 41,54%.

2 მარტს პუტინმა გუნბას გამარჯვება მიულოცა, 5 მარტს კი კრემლში მიიღო, რა დროსაც აფხაზებისთვის ორმაგი მოქალაქეობის და სხვა საკითხების მოგვარებას დაჰპირდა.

ვადამდელი „საპრეზიდეტო“ არჩევნები ოკუპირებულ აფხაზეთში მას შემდეგ დაინიშნა, რაც ყოფილი “პრეზიდენტი” ასლან ბჟანია თანამდებობიდან 2024 წლის 19 ნოემბერს გადადგა, რასაც წინ უსწრებდა ოპოზიციის პროტესტი და ე.წ. პარლამენტში სოხუმსა და მოსკოვს შორის საინვესტიციო ხელშეკრულების რატიფიცირების პროცესის ჩაშლა. პასუხად, მაშინ მოსკოვმა სოხუმს სრულად შეუჩერა დაფინანსება.