მულტიმედია
პანდემია და ღვინის ექსპორტით გადარჩენილი საოჯახო მარანი მარტვილში (ფოტო/აუდიო)
კორონავირუსის პანდემიის გამო დაწესებულმა შეზღუდვებმა და ტურიზმის ჩაკეტვამ ამ სფეროში მომუშავე ობიექტების უმეტესობა დააზარალა. წელს სტუმრები თითქმის არ მიუღია მარტვილში საოჯახო მარან "ოდასაც". მის ბაზაზე არსებული რესტორნის და ბიზნესის შენარჩუნება ოჯახმა ადგილზე წარმოებული ღვინის გაორმაგებული ექსპორტის წყალობით შეძლო.  

"ოდას" დამფუძნებელი ქეთო ნინიძე გვიყვება, რომ ოჯახურ მარანში წარმოებული რამდენიმე სახეობის ღვინის 5 ათასამდე ბოთლი გაიტანა საექსპორტოდ ევროპის, ამერიკისა და აზიის ქვეყნებში, რაც 2 000 ბოთლით მეტია შარშან მათ მიერ ექსპორტირებულ პროდუქციაზე. როგორც მეწარმე ამბობს, პანდემიის გამო, ტურისტები, ფაქტობრივად, არც ჰყოლიათ, სამაგიეროდ, გაიზარდა ინტერესი ქართული ღვინის მიმართ და შესაბამისად, საგრძნობლად იმატა გაყიდვებმაც. "...ჩვენს რესტორანს არ უმუშავია და შესაბამისად, ადგილზე ღვინო, ფაქტობრივად, არ გაგვიყიდია, ან ძალიან მცირე რაოდენობით. ამის მიუხედავად, თითქმის ამოგვეწურა უკვე მარაგი. წელს 2-ჯერ გვქონდა ექსპორტი ამერიკის შეერთებულ შტაბებში. გარდა ამისა, გავყიდეთ ღვინო დანიაში, საფრანგეთში, ჰოლანდიაში, გერმანიაში, ისრაელში. იაპონიაშიც გაგვაქვს... პარტნიორების უმეტესობასთან უკვე გვქონდა თანამშრომლობა. 7 ქვეყანაში ვყიდდით შარშან. პანდემიამ ორ ქვეყანაზე იქონია გავლენა - შვედეთსა და ავსტრალიაში იმ კომპანიებს ჰქონდათ პრობლემა, ვისაც ჩვენი ღვინო გაჰქონდათ და წელს არ გაუტანიათ. შვედეთი ცოტა სპეციფიური ბაზარია, იქ მთავარი მონოპოლისტი კომპანიაა, რომელიც აწარმოებს იმპორტს, შესაბამისად, მცირე კომპანიებს გაუჭირდათ და გვქონდა წყვეტა. ავსტრალიაში კი მაღალი გადასახადებია იმ კომპანიებისთვის, რომლებიც იმპორტს ეწევა ქვეყანაში", - გვიყვება ქეთო. 

ახალი პარტნიორები საოჯახო მარანს თავად დაუკავშირდნენ. ჩვენი რესპონდენტი ფიქრობს, რომ "ოდას" ცნობადობის გაზრდა ნაწილობრივ საერთაშორისო პრესაში მათი საქმიანობის შესახებ გამოქვეყნებული მასალების დამსახურებაა, თუმცა აღნიშნავს, რომ ყველაზე მნიშვნელოვანი მაინც უკვე არსებული პარტნიორების რეკომენდაციები აღმოჩნდა. "ვფიქრობ, რომ იმ იმპორტიორებს, რომლებსაც გააქვთ ქართული ღვინო სხვადასხვა ქვეყანაში, აქვთ კომუნიკაცია და კარგი გამოხმაურების შემთხვევაში, ერთმანეთს ეკითხებიან ღირებული პროდუქციის შესახებ. უმეტესობასთან ასე დავიწყეთ თანამშრომლობა. ყველა ჩვენი პარტნიორი ამბობს, რომ ღვინის შინაური მოხმარება გაიზარდა. რაოდენობრივად არანაირი პრობლემა არ შეგვქმნია, პირიქით, გაიზარდა მოთხოვნა", - დასძენს მეწარმე.

"ოდას" ძირითადი ასორტიმენტია სამეგრელოში წარმოებული ოჯალეში, ასევე, ადგილობრივად მოყვანილი ცოლიკოური. გარდა ამისა, ღვინო იწურება რაჭაში მოყვანილი ძელშავისგან და ლეჩხუმში დაკრეფილი ორბელურისგან. მეღვინე სასიამოვნო სიახლესაც გვიზიარებს - წელს პირველად დაწურეს საკუთარ ვენახში მცირე რაოდენობით მოყვანილი უძველესი მეგრული ჯიშის ყურძენი - ჭვიტილური.

პანდემიის პირობებში საკუთარი ბიზნესის გადარჩენის ერთ-ერთ მნიშვნელოვან სტრატეგიად ქეთო ნინიძე წარმოების დივერსიფიცირებას მიიჩნევს. სწორედ ამიტომ, უახლოეს მომავალში "ოდა” საწებლების, სუნელების და მურაბების წარმოებას გეგმავს. თვლის, რომ მაღალი სტანდარტებით მომზადებული ასეთი პროდუქცია, თანამშრომლების შენარჩუნებასა და მცირე მოგების მიღებაში დაეხმარება. მომავალ წელს ტურიზმში დიდი თანხების ინვესტირებას არ გეგმავს და ტურისტული ნაკადის გაზრდის შემთხვევაში, რესტორნის სტუმრების გამასპინძლებას "მარტივი და გემრიელი" მენიუთი აპირებს. თუმცა, ამავდროულად ღვინის წარმოების გაზრდა და ახალი საექსპორტო ბაზრების ათვისება სურს. იმედი აქვს, რომ 2021 წელს ვენახის გაფართოებასაც შეძლებს. "გაისად ტურიზმს საკმაოდ ფრთხილად ვეკიდებით. წელს ეს უკვე შეგვეშალა. არ ვიცოდით პანდემიის მასშტაბები და საკმაოდ დიდი თანხა, რაც დანაზოგი გვქონდა ჩავდეთ ინფრასტრუქტურის მოწყობაში და ისე მოხდა, რომ ფინანსურად საკმაოდ დიდი კვალი დატოვა ჩვენზე. რაც შეეხება ღვინოს, ცოტა უფრო გავზრდით, ალბათ 6 000 ბოთლამდე წარმოებას. გვაქვს შემოთავაზებები იტალიიდან და დიდი ბრიტანეთიდან. ვფიქრობთ, რომ პარტნიორობა შედგება", - დარწმუნებულია "ოდას" მფლობელი.

საოჯახო მარანი "ოდა", მეღვინეობის და ღვინის ტურიზმის განვითარების მიზნით, ქეთო ნინიძემ 2017 წელს მარტვილის სოფელ სალხინოში დააფუძნა, სადაც ის მეუღლესთან და შვილებთან ერთად, 2016 თბილისიდან საცხოვრებლად გადავიდა.
Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
სამეგრელოში 6 კოვიდმიმღებ კლინიკაში ამ დროისთვის 226 ინფიცირებულია მოთავსებული, მათგან 11 პაციენტის ჯანმრთელობის მდგომარეობა მძიმეა.
სამეგრელოში კორონავირუსის ინფექციით ბოლო 24 საათის განმავლობაში კიდევ ორი პაციენტი გარდაიცვალა.
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე 6 122​ ადამიანი გამოკვლიეს და გამოვლინდა ინფიცირების 469 ახალი შემთხვევა.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ამავე კატეგორიაში
დღის სიახლეები
20 / იანვარი 2021
ენგურჰესის ჰიდროელექტროსადგური სარეაბილიტაციო სამუშაოების გამო, დაახლოებით, ერთი საათის წინ გაჩერდა. ამის შესახებ რადიო "ათინათს" ენგურჰესის პრესსამსახურიდან აცნობეს.
20 / იანვარი 2021
ხმაური და დაპირისპირება იყო სამხარეო ადმინისტრაციასთან გამართულ აქციაზე, სადაც შეკრებილებმა სამეგრელო-ზემო სვანეთის გუბერნატორის მოვალეობის შემსრულებელთან შეხვედრა მოითხოვეს.
20 / იანვარი 2021
გაგრაში, მდინარე ჟოეკვარაში რუსეთის ფედერაციის მოქალაქეს ეძებენ. აფხაზეთის დე ფაქტო რესპუბლიკის საგანგებო სიტუაციების სამინისტროს ინფორმაციით, დაკარგული ქალის შესახებ ინფორმაცია,
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 1 °C
img
სოხუმი 1 °C
img
ფოთი 1 °C
img
მესტია -9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.