რეგიონი
ზუგდიდის მერმა და დეპუტატმა ერთმანეთს „საცოდავი“ და „უზრდელი“ უწოდეს (ვიდეო)
ზუგდიდის მერის ანგარიშის წარდგენის შემდეგ გიორგი შენგელიასა და „ნაციონალური მოძრაობის“ დეპუტატის ანა წითლიძეს  შორის სიტყვიერი დაპირისპირება მოხდა. საკრებულოს წევრმა მერი ნეპოტიზმში და შეუსრულებელ დაპირებებში დაადანაშაულა. გარდა ამისა, წითლიძემ შენგელიას უთხრა, რომ მისი მერობის პირობებში „ქურდული გარჩევების“ ფაქტებმა იმატა და ეს მასთან პირდაპირ კავშირშია, რადგან მერის არჩევნებში სწორედ „ქურდული სამყაროს“ წარმომადგენლები იყვნენ ჩართულები.

ენმ-ს წევრმა მერს იმ პირების ფოტოებიც გადასცა, რომლებიც წითლიძის მტკიცებით, „კანონიერი ქურდები“ არიან და ზუგდიდს „მართავენ“.

„მერიის ააიპ-ში დაასაქმეთ თქვენი დეიდაშვილი. ინფრასტრუქტურის სამსახურის უფროსად კი დაინიშნა მიხეილ ჭკადუა, თქვენი უახლოესი მეგობარი და მხოლოდ იმიტომ, რომ ის თქვენი მეგობარია. ასევე თქვენმა მეგობარმა და საკრებულოს თავმჯდომარის ნათესავმა ლაშა ბოხუამ ბოლო დროს მოიგო 18 ტენდერი და აქვს მიღებული გამარტივებული შესყიდვაც, რაც კორუფციული გარიგებაა. თქვენ შეგნებულად ხუჭავთ თვალს ან თქვენც ხართ ამაში გარეული“, - უთხრა წითლიძემ მერს.

„ძალიან მეცოდებით“, ამ სიტყვებით დაიწყო გიორგი შენგელიამ დეპუტატისთვის პასუხების გაცემა, რისთვისაც მერმა „ქართული ოცნების“ დეპუტატების აპლოდისმენტები დაიმსახურა. ანა წითლიძე მსგავსმა მიმართვამ გააღიზიანა და მან მერს „უზრდელი“ უწოდა.

„თქვენი მიზანი არის პოპულიზმი და სიტუაციის ესკალაცია. თქვენგან განსხვავებით, ჩვენი გუნდის მიზანია საქმის კეთება. ჩემი ბიძაშვილობა კი რატომ უნდა უშლიდეს ადამიანს, თუკი მას აქვს ამის უნარი სამსახური დაიწყოს?! თუ ის პროფესიული თვალსაზრისით დაუშვებს შეცდომას ჩვენი გუნდი აგებს პასუხს და თქვენი პოპულიზმი არ არის საჭირო. რაც შეეხება ბოლო ფოტოებს, რაც წარმოადგინეთ „მაყურებლებზე“, მე არ ვიცი ვინ არიან ესენი და რას მართავენ. მე ვიცი, რომ ზუგდიდს ვმართავ მე და ჩემი გუნდი“, - ასე უპასუხა მერმა დეპუტატის ბრალდებებს.

საკრებულოს თავმჯდომარემ ნეპოტიზმთან დაკავშირებით თქვა, რომ მისი ან მერის ნათესაობა სასჯელი და სამსახურის არდაწყების მიზეზი არ არის.

"რამენაირად აიტანს ამომრჩეველი, რომელმაც გეგა შენგელია მისი პატიოსნებით და საქმის კეთების უნარით აირჩია, იმ ერთ ნათესავს, რომელიც წაადგება ააიპ-ის",- თქვა მამუკა წოწერიამ.

ჟურნალისტებთან საუბრისას გიორგი შენგელიამ დეპუტატის ბრალდებებს აბსურდული უწოდა და თქვა, რომ წითლიძის მიდგომებიდან და შეფასებებიდან გამომდინარე , შეუძლებელია ადამიანი არ შეგეცოდოს.

„სათქმელი კონკრეტული საქმეების მიმართ არა აქვთ და რაღაც აბსტრაქტულ საკითხებზე აკეთებენ აქცენტებს იმისთვის, რომ თითოეული ჩვენთაგანი გამოიყვანონ მწყობრიდან და საქმეზე ორიენტირებულობა დაუკარგონ", - თქვა მერმა.

დღეს ზუგდიდის მერმა საკრებულოს სხდომაზე 6 თვიანი მუშაობის ანგარიში წარადგინა და დეტალურად ისაუბრა განხორციელებულ და განსახორციელებელ პროექტებზე.




Print Email
FaceBook Twitter
რ ე კ ლ ა მ ა
რაზე ისაუბრეს პროექტის - "მოწყვლადი ჯგუფების ხმა საარჩევნო დისკურსში" ფარგლებში ზუგდიდის მაჟორიტარი დეპუტატობის კანდიდატებთან გამართულ დებატებზე?
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
კორონავირუსი
აბაშის "ევექსის" ჰოსპიტალის ბაზაზე კოვიდმიმღები კლინიკა გაიხსნება. ინფორმაციას აბაშის მერია ავრცელებს. ამავე ცნობით, საავადმყოფო, რომელიც 28 საწოლზეა გათვლილი,
რუხის საავადმყოფოში ჟანგბადის წარმომქმნელი ორი აგრეგატი დამონტაჟდა. ამის შესახებ ჟურნალისტებს საავადმყოფოს კლინიკურმა მენეჯერმა ნინო აკობიამ უთხრა.მისივე ინფორმაციით სამედიცინო დაწესებულებას აღნიშნული
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 3 216 ახალი დადასტურებული შემთხვევა, გამოჯანმრთელდა 3 937 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
30 / ნოემბერი 2020
თბილისის საქალაქო სასამართლომ ზუგდიდელი გუკა ბაძაღუა უდანაშაულოდ ცნო. გამოძიება მას მძიმე დანაშაულის შეუტყობინებლობას ედავებოდა.
30 / ნოემბერი 2020
აბაშის "ევექსის" ჰოსპიტალის ბაზაზე კოვიდმიმღები კლინიკა გაიხსნება. ინფორმაციას აბაშის მერია ავრცელებს. ამავე ცნობით, საავადმყოფო, რომელიც 28 საწოლზეა გათვლილი,
30 / ნოემბერი 2020
ხობის სოფელ პირველი მაისის საჯარო სკოლის მოსწავლეებმა და პედაგოგებმა ყოფილი დირექტორის თანამდებობიდან გათავისუფლება გააპროტესტეს.
მთავარი საინფორმაციო გამოშვება
ჩვენი თვითმმართველობა
არქივი
«« დეკემბერი 2020 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 7 °C
img
სოხუმი 4 °C
img
ფოთი 8 °C
img
მესტია -3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.