სტატია
გადაადგილება სამშობლოში სიცოცხლის ფასად - ოკუპაციის მორიგი მსხვერპლი (ვიდეო)
65 წლის ოთარ ჯობავა საოკუპაციო ხაზის მიმდებარედ, სოფელ ორსანტიაში მდინარე ენგურმა გუშინ გამორიყა. მისი ცხედარი შემთხვევით ადგილობრივმა, დაახლოებით, დღის 12 საათისთვის იპოვა. აქ ვარაუდობენ, რომ გალის მკვიდრი ადიდებულმა მდინარემ გაიტაცა და დაახრჩო. ორსანტიაში ყვებიან, რომ ოთარ ჯობავა მდინარის გადმოლახვას პენსიასთან დაკავშირებული საბუთების მოსაგვარებლად ცდილობდა. ერთადერთ გზად კი ზუგდიდში მოსახვედრად, ჩაკეტილი ე.წ. საზღვრის პირობებში ენგურის გადმოცურვა მიიჩნია.

„გაჭირვებამ მიიყვანა ამ მდგომარეობამდე, ალბათ. გაჭირვებამ ჩაიყვანა წყალში. არ ჰქონდა სხვა გზა, ენგურის ხიდი ჩაკეტილია, სხვაგან გადმოსასვლელი არსადაა, რა უნდა ექნა. საწყალი... არ აქვთ საშუალება გადმოვიდნენ და წვალობენ“, - სინანულით ამბობენ ორსანტიელები, რომელთა სახლიდან თვალის გასაწვდენ მოკლე მანძილზე ოტობაია, ოკუპირებული გალის კიდევ ერთი სოფელი ჩანს.

სოფელ ოქუმში ოთარ ჯობავა ოჯახთან ერთად ცხოვრობდა. ჯერჯერობით, ოჯახის წევრებს ცხედარი არ უნახავთ, რადგან ოკუპირებულ ტერიტორიაზე რჩებიან, ჯობავა კი ნათესავის სახლში, ზუგდიდშია დასვენებული. ზუგდიდში ახლობლები მხოლოდ იმას ადასტურებენ, რომ მათი ნათესავი უბედური შემთხვევის მსხვერპლი გახდა. უცნობია, როდის გადაასვენებენ გარდაცვლილს მშობლიურ სოფელში.

რუსეთის მიერ ოკუპირებულ აფხაზეთში მცხოვრებლებისთვის საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლა განსაკუთრებით მას შემდეგ გაჭირდა, რაც საოკუპაციო რეჟიმმა ზუგდიდში გადმოსასვლელი რამდენიმე პუნქტიდან მხოლოდ ერთი დატოვა ღია.

ახლა კი, დანარჩენ საქართველომდე მოსასვლელი მავთულხლართებისგან თავისუფალი ერთადერთი გზა - ენგურის ხიდიც დაკეტილია და პანდემიის პრევენციის საბაბით, პერიოდულად, მხოლოდ რამდენიმე დღით იხსნება.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
19 / მარტი 2024
საქართველოს პრემიერ - მინისტრის განცხადებით, საპატრიარქოს საგანმანათლებლო პროექტების დაფინანსება 5 მილიონი ლარით გაიზარდა, რაც ჯამში 60 მილიონ ლარს გულისხმობს.
19 / მარტი 2024
რუსეთიდან ოკუპირებულ აფხაზეთში ელექტროენერგიის „სოციალური ნაკადის“ მიწოდება დასრულდა, ამის შესახებ კომპანია ჩერნომორენერგოს“ წარმომადგენელმა ალხას გაგულიამ განუცხადა ადგილობრივ მედიას. 
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 13 °C
img
ფოთი 11 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.