სტატია
ეწერფერდელები ხვალ მესტიისკენ მიმავალ გზას გადაკეტავენ - ჩააგდო თუ არა საკრებულომ რეაბილიტაციის პროექტი (ფოტო)
წალენჯიხის მუნიციპალიტეტის სოფელ ჭალეს ეწერეფერდის თემის მოსახლეობა სოფლის შიდა საუბნო გზების რეაბილიტაციას ითხოვს. შესაბამისი თხოვნით, როგორც სოფლის მაცხოვრებელი დათა აქუბარდია განმარტავს, მათ ადგილობრივი ხელისუფლების წარმოამდგენლებს არაერთხელ მიმართეს, მათ შორის მაშინ, როცა წალენჯიხის მერიას „ქართული ოცნების“ წარმომადგენლობა ხელმძღვანელობდა. აქუბარდია ამბობს, რომ მათ თხოვნას შედეგი არცერთხელ მოუტანია.

„გზები არის საშინელ მდგომარეობაში. რამდენჯერ შევხვდით ხელისუფლების წარმომადგენლებს, თუმცა რეაგირება არ ყოფილა. ახლა გაიტანა მერიამ საკრებულოზე და ჩააგდეს პროექტი. გზები ისეთ მდგომარეობაშია, რომ ტრანპორტითაც და ფეხითაც გადაადგილება რთულია, მით უმეტეს, წვიმიან ამინდში, სასწრაფოებსაც უჭირთ დროულად მოსვლა“, - უთხრა რადიო „ათინათს“ აქუბარდიამ.

დოკუმენტის თანახმად ირკვევა, რომ წალენჯიხის საკრებულოს პროექტი მერიამ 19 მაისს წარუდგინა, თუმცა აქვე ვკითხულობთ, რომ საკრებულომ დოკუმენტი დაახარვეზა.

რატომ არ მოიწონა პროექტი წალენჯიხის წარმომადგენლობითმა ორგანომ, ვკითხეთ საკრებულოს თავმჯდომარე კორნელი სალიას. პარტია „საქართველოსთვის“ წევრი ამბობს, რომ დოკომენტზე თანხა არ იყო დატანილი, ამიტომაც საკრებულომ  მერიას დაუბრუნა, თუმცა, მოგვიანებით, მერიამ პროექტი აღარ წარადგინა სხდომაზე.

„მერია აბრალებს ახლა საკრებულოს. თანხა არ იყო დატანილი და დავახარვეზეთ. ახლა, როცა სხვა პროექტები შემოიტანეს, რომელიც მგფ-მა (მუნიციპალური განვითარების ფონდი) უნდა დააფინანსოს, ეწერფერდი გზის საკითხი აღარ იყო. შემოიტანონ ხარვეზების გარეშე და რა თქმა უნდა, მხარს დავუჭერთ“, - აღნიშნა სალიამ.

პროექტი რომ სრულყოფილი იყო და თანხაც იყო მითითებული, ამტკიცებს წალენჯიხის მერის მოადგილე თამარ ბელქანია. ის ამბობს, რომ პირადად შეხვდა ადგილობრივებს და მათ დახმარებას დაჰპირდა, რადგან თავად ნახა მათი მძიმე პირობები, მათ შორის, უგზოობა.

„რატომ არ დაუჭირეს პროექტს მხარი, არ ვიცი. გაუგებარია და ეს ნებისმიერი იმ დეპუტატის ინდივიდუალური პასუხისმგებლობაა. მე ამ პრობლემის მქონე ადამიანებს ლობისტობას დავპირდი და ვიმუშავეთ კიდეც ამ საკითხე. დოკუმენტს თან ახლავს ყველა აუცილებელი დანართი, არსებობს სამხარაულის ექსპერტიზის დასკვნა“, - თქვა ბელქანიამ. 


აღნიშნულ ფოტოზე ჩანს, რომ დასკვნის გაცემის თარიღი 31 ივლისია.

სანამ წალენჯიხის მერია და საკრებულო ეწერფერდში შიდა საუბნო გზის რეაბილიტაციის პროექტის საკითხს ერთმანეთში არკვევენ, ადგილობრივებმა აქცია დაანონსეს. ხვალ ისინი ჯვარი-მესტიის ცენტრალურ საავტომობილო გზას გადაკეტავენ და ხელისუფლებასთან შეხვედრას მოითხოვენ. მოთხოვნების დაუკმაყოფილებლობის შემთხვევაში კი გზის გახსნას არ აპირებენ.

Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
ამავე კატეგორიაში
დღის სიახლეები
20 / მაისი 2024
ზუგდიდში “აგენტების” კანონის საწინააღმდეგო აქციის მონაწილეები კვლავ შეიკრიბნენ და ქალაქის მასშტაბით მსვლელობა მოაწყეს.
20 / მაისი 2024
ზუგდიდის მუნიციპალიტეტის მასშტაბით 51 სკოლიდან პირველკლასელთა ლიმიტი პირველ, მეორე, მესამე და მეოთხე საჯარო სკოლაში სრულად შეივსო.
20 / მაისი 2024
23 წლის მარიკა ჯალაღონია რომში, "საპიენცას" უნივერსიტეტში არქიტექტურისა და ურბანული რეგენერაციის სამაგისტრო პროგრამაზე სწავლობს. მან საბაკალავრო
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 9 °C
img
სოხუმი 12 °C
img
ფოთი 13 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.