სოხუმში მოქმედი საზოგადოებრივი ორგანიზაციების ნაწილი თვითგამოცხადებული რესპუბლიკის ე.წ. საგარეო საქმეთა სამინისტროს ხელმძღვანელის სერგეი შამბას გადადგომას ითხოვს.

სოფელ იაშტუხასთან, სოხუმის მახლობლად, ცეცხლის კერებს აქრობენ.  ინფორმაციას სააგენტო „აიაშარა“ ავრცელებს, სოხუმის „სახანძროს“ უფროსზე, თემურ კვიცინიაზე დაყრდნობით.

ტელეგრამის არხების თანახმად, ოკუპირებულ აფხაზეთს ელექტრომომარაგება აღუდგა, ამავე ცნობით, ფსოუზე მომხდარი ავარიული გათიშვის გამოს, ელექტროენერგია არ მიეწოდებოდა, „დასავლეთის რაიონებს და სოხუმს“.

სოხუმში აცხადებენ, რომ 18:00 საათისთვის აფხაზეთის თვითგამოცხადებულ რესპუბლიკაში, „საპრეზიდენტო“ არჩევნების მეორე ტურში, ამომრჩეველთა აქტივობამ 63% შეადგინა და კენჭისყრაში მონაწილეობა თითქმის 90 ათასმა ადამიანმა მიიღო, შესაბამისად, „არჩევნები“ ჩატარდა.

ელექტრომატარებელი „ლასტოჩკა“ დღეს სოხუმიდან სოჭში ჩავიდა. „აფსნიპრესის“ თანახმად, წინა დღეს, რუსეთის პრეზიდენტის ადმინისტრაციის აპარატის უფროსის პირველმა მოადგილემ სერგეი კირიენკომ, რომელიც მანამდე ოკუპირებულ აფხაზეთში იმყოფებოდა, რუსეთის რკინიგზის წარმომადგენლებთან თათბირი გამართა. შეხვედრაზე „რუსულ სირიუსსა და სოხუმს შორის რეგულარული ჩქაროსნული მატარებლის გაშვებასთან დაკავშირებული საკითხები“ განიხილეს.

რუსეთის საგანგებო სიტუაციების სამინისტროს თვითმფრინავი Ил-76 აფხაზეთში ჩაფრინდა. ბორტი სოხუმიდან მოსკოვში პაციენტების სამედიცინო ევაკუაციას განახორციელებს. რუსული TASS ავრცელებს ინფორმაციას.

სოხუმში რუსეთის ჯანდაცვის მინისტრი მიხეილ მურაშკო ჩავიდა და ჯანდაცვის ობიექტები დაათვალიერა.

23 თებერვალს, სოხუმში, რუსეთიდან პირველად, „გამარჯვების მატარებელი“ ჩავა. ინფორმაციას აფხაზეთის დე ფაქტო რესპუბლიკის „კულტურის სამინისტროს“ პრესსამსახური ავრცელებს.

აფხაზეთში ელექტრომომარაგების აღსადგენად სამუშაოები გრძელდება, - ამის შესახებ „ ჩერნომორენერგო“ იუწყება.

მოსკოვსა და სოხუმს შორის მიღწეულია შეთანხმება დამატებითი ელექტროენერგიის მიწოდების თაობაზე, „რესპუბლიკის მოსახლეობის საიმედო ელექტრომომარაგების უზრუნველყოფის მიზნით”, ამის შესახებ აფხაზეთის დე ფაქტო რესპუბლიკის ენერგეტიკის სამინისტრო იუწყება.